|
27.03.2022 | 14:25
3492

Қазақстандықтарға ұшу кезінде ПТР тестін тапсыру міндетті ме

ҚР Премьер-Министрінің орынбасары Ералы Тоғжанов елдегі карантин талаптарының өзгеруіне қатысты жайтты түсіндіріп берді

Қазақстандықтарға ұшу кезінде ПТР тестін тапсыру міндетті ме  Фото: ашық дереккөзден

ҚР Премьер-Министрінің орынбасары Ералы Тоғжанов елдегі карантин талаптарының өзгеруіне қатысты жайтты түсіндіріп берді, деп хабарлайды Almaty.tv тілшісі ҚазАқпаратқа сілтеме жасап.

«Қазақстан Республикасы Конституциясының 29-бабына сәйкес азаматтардың денсаулығын сақтауға құқығы бар. Ұшу алдында COVID-19 қарсы ПТР тестінің теріс нәтижесі бар анықтаманы ұсыну талабы «омикрон» штамы нұсқасының таралуына және оның жоғары жұқпалы болуына байланысты, жолаушылар әлеуметтік қашықтықты сақтамай, жабық кеңістікте ұзақ ұшу кезінде инфекцияны болдырмау мақсатында енгізіліп отыр», - деп жазды Ералы Тоғжанов депутаттық сауалға берген жауабында. 

Оның айтуынша, аталған әдіс - әлемдік тәжірибе. Коронавирусқа қарсы ПТР тесті анықтамасын талап ету Қазақстан Республикасының бас мемлекеттік санитариялық дәрігерінің қаулысына сәйкес 2020 жылғы қазаннан бастап қолданылады. 

«Мемлекеттік шекарадан өту кезінде коронавирустық инфекция ауруларының алдын алу жөніндегі шараларды одан әрі күшейту туралы 2020 жылғы 2 қазандағы коронавирустық инфекцияны таратпауға бағытталған қабылданған шаралар, оның ішінде шекарадан өту кезінде ПТР әдісімен COVID-19 тестінің теріс нәтижесі бар анықтаманы ұсыну бойынша талап елдегі эпидемиологиялық жағдайды 1 ай ішінде тұрақтандыруға мүмкіндік бергенін, ал басқа елдерде коронавирусты «омикрон» штамының өршуі бар жағдайды тұрақтандыруға мүмкіндік бергенін атап өткен жөн инфекция шамамен 2-3 айға созылды», - деді Премьер-Министрдің орынбасары. 

Оның айтуынша, қазір елімізде коронавирустық инфекция бойынша эпидемиологиялық жағдайдың тұрақтануы, амбулаториялық және стационарлық науқастар санының азаюы, инфекциялық және реанимациялық төсектер қамтылуының 8%-ға дейін қысқаруы байқалады. Осыған байланысты биыл 17 ақпанда ел аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссияның отырысында коронавирустық инфекцияның пайда болуы мен таралуына жол бермеу келесі тұлғалар үшін ПТР әдісімен COVID-19 тестінің теріс нәтижесінің талабын алып тастау туралы шешім шықты: 

- егер вакцинаның екінші компонентті алғаннан кейін ҚР шекарасын кесіп өту сәтінде 6 айдан аспаса, құжаттық растауды ұсыну кезінде Қазақстан Республикасында ревакцинация немесе COVID-19-ға қарсы вакцинациялаудың толық курсын алғандар; 

- Қазақстан Республикасының бас мемлекеттік санитарлық дәрігерінің қаулысына сәйкес Қазақстан Республикасының аумағында жарамды деп танылған, COVID19-ға қарсы вакцинация туралы паспорт/сертификат / анықтама ұсынғандар.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

Прямой эфир