Қостанай облысының әкімінен коронавирус анықталды

Қостанай облысының әкімі Архимед Мұхамбетовтен коронавирус анықталды, деп хабарлайды Almaty.tv. Бұл туралы ол Instagram-дағы парақшасында жазды.

«Барлық сақтық шараларын ұстанғаныма қарамастан, соңғы тапсырған анализ COVID-19 диагнозын растады. Осыған байланысты мен өз-өзімді оқшаулап, қашықтан жұмыс істеуге көштім», – деп жазды ол.

Ол облыс тұрғындарынан қауіпсіздіктің барлық талаптарын сақтауды сұрайды.

«Кезекті рет жерлестерімді аймақта енгізілген шектеу шараларын қатаң сақтауға шақырамын. Баршаңызға мықты денсаулық және бақ-береке тілеймін! Өздеріңізге қамқор болыңыздар!» – деп жазды Архимед Мұхамбетов.