Коронавирус: Ресейде қайтыс болғандар саны бойынша рекорд тіркелді

REUTERS

Пандемия басталғаннан бері Ресейде 1 326 178 адамнан коронавирус анықталды

Ресейде бір тәулікте коронавирустан қайтыс болғандар саны бойынша рекорд тіркелді. Бір тәулікте 244 адам коронавирустан қайтыс болған, деп хабарлайды Almaty.tv тілшісі Tengrinews.kz-ке сілтеме жасап.

Мұндай көрсеткіш Ресейде соңғы рет 29 мамырда тіркелген болатын, ол кезде елде коронавирустан 232 адам қайтыс болған еді.

Соңғы тәулікте Ресейде коронавирус инфекциясының 13 868 жаңа жағдайы тіркелсе, 7550 адам жазылып шыққан.

Пандемия басталғаннан бері Ресейде 1 326 178 адамнан коронавирус анықталды. Оның ішінде 22 966 адам қайтыс болды, тағы 1 031 785 адам сауығып кетті.