Меншікті өндіріс
Біз әлеуметтік желілердеміз
Атырауға шетелден ПТР анықтамасы жоқ қазақстандықтар ұшып келді
Халықаралық әуе рейспен барлығы 456 адам жеткізілді
Атырау облыстық тауарлар мен көрсетілетін қызметтердің сапасы мен қауіпсіздігін бақылау Департаментінің мәліметінше, Атырауға 20 - 25 қазан аралығында шетелден Стамбул-Атырау, Ташкент-Атырау, Амстердам-Атырау бағытында 4 әуе рейсі ұшып келді, деп хабарлайды Almaty.tv тілшісі zakon.kz-ке сілтеме жасап.
Халықаралық әуе рейспен барлығы 456 адам жеткізілді, деді Атырау облыстық денсаулық сақтау басқармасының баспасөз қызметі.
Әуе рейсімен келген жолаушылардың арасында шетелдіктер жоқ, барлығы - қазақстандықтар. Олардың 37-інде COVID-19 -ға ПТР-тест қорытындысы болмағандықтан, карантиндік стационарларға жатқызылған.
Жолаушылардан коронавирус жұқпасына сынама алынды, қорытындысы теріс мәнді көрсетті. Ешқайсысынан қауіпті инфекция анықталмағандықтан үйлеріне жіберілді.