Елімізде коронавирустан айыққандар саны 97 мыңға жуықтады

Елдегі ахуал бойынша бір тәулікте коронавирус белгісі бар пневмонияға 10 адам шалдығып, 2 науқас індеттен мерт болды. Жалпы елде коронавирустан айыққандар саны 96 мың 899-ға жетіпті, деп хабарлайды Almaty.tv.

Оның 12 мың 861 Нұр-Сұлтанда болса, Алматыда – 13 мың 365 науқас аурудан құлан таза жазылып шықты. Ал Шымкентте бұл көрсеткіш – 4 мың 442. Жалпы 105 мың 872 адам инфекция жұқтырған. Өкінішке қарай, 1 мың 588 отандасымыз аурудан көз жұмды.