Қ. Тоқаев бизнес субъектілерінде несие төлемін кейінге қалдыру мәселесін қарауды тапсырды

Президент Қасым-Жомарт Тоқаев шағын және орта бизнес үшін несие төлемін кейінге қалдыруды пысықтауды тапсырды, деп хабарлайды Almaty.tv тілшісі Tengrinews.kz сайтына сілтеме жасап.

«Қаржы нарығын реттеу және дамыту агенттігі мен Ұлттық Банкке экономиканың зардап шеккен секторларында, шағын және орта бизнес субъектілерінде несие бойынша төлемдерді кейінге қалдыру мүмкіндігін пысықтауды тапсырамын.

Үкіметтің пандемиямен байланысты жағдайды сәуірдегі жаппай вакцинациялау арқылы жақсы жаққа өзгертеміз деген сенімін ескере отырып, мамырдан бастап шағын және орта бизнес субъектілерінің, оның ішінде қызмет көрсету саласындағы шектеулерді біртіндеп алып тастауға мүмкіндік болады деген үміттеміз», – деді Тоқаев коронавирусқа қарсы іс-қимыл жөніндегі кеңесте.