Сәтбаевтағы атыс: күдіктілер ұсталды

Сәтбаевта атысқа қатысты деген екі ер адам ұсталды, - деп хабарлайды Almaty.tv тілшісі Polisia.kz Telegram-арнасына сілтеме жасап.

"Жүргізілген жедел-іздестіру іс шаралары барысында полиция қызметкерлері 18 және 20 жастағы екі ер адамды ұстады. Оның бірі көлік тізгінінде болса, екіншісі болжам бойынша жәбірленушіге оқ атқан. Ұсталған ер адам мойындау көрсетпе белгілерін берді", - делінеген хабарламада.

Алдын ала болжам бойынша Ulytau Mall сауда үйі алдында жас жігіттер сөзге келіспей, соңы төбелеске ұласқан.

"Оқиға орнынан автокөлікпен кету кезінде, күдіктілердің бірі 24 жастағы азаматқа оқ атып, ол жерден автокөлікпен ізін жасырған. Жәбірленуші оқ жарақаттарымен ауруханаға жеткізілді. Факт бойынша Қазақстан Республикасы Қылмыстық Кодексінің 24-99 бабына сәйкес қылмыстық іс қозғалды. Айғақ заттар тәркіленді", - делінген хабарламада.

Күдікті уақытша ұстау изоляторына қамалып, тергеу амалдары жүргізіліп жатқаны айтылды. Оқиғаға қатысушылардың жеке басы анықталған. Қазіргі уақытта оларды ұстау бойынша кешенді шаралар жүргізіліп жатыр.

Еске салайық, бұған дейін Сәтбаев қаласында белгісіз біреулер көшеде ер адамды атып кеткені хабарланған болатын.