|
03.02.2023 | 11:49
421

Ақтөбе тұрғыны 6 келіден астам есірткі сақтаған

Ер адамды сырттай тексеру кезінде комбинезонының қалтасынан өсімдік тектес заттары бар 4 қағаз байламы табылып, тәркіленді

Ақтөбе тұрғыны 6 келіден астам есірткі сақтаған polisia.kz

Ақтөбе тұрғыны 6 келіден астам есірткі сақтаған, деп хабарлайды Almaty.tv тілшісі Polisia.kz-ке сілтеме жасап.

31 қаңтарда Ақтөбе облысы ПД есірткі қылмысына қарсы іс-қимыл басқармасының қызметкерлері К.Нокин даңғылында жедел-іздестіру іс-шараларын өткізу барсында 35 жастағы ақтөбелікті тоқтатқан. Ер адамды сырттай тексеру кезінде комбинезонының қалтасынан өсімдік тектес заттары бар 4 қағаз байламы табылып, тәркіленді.

Сотқа дейінгі тергеу барысында ер адам тұрғылықты жері бойынша есірткі заттарын сақтайтынын айтқан. Тұрғылықты жерін тінту барысында 105 қағаз орамасы бар екі полиэтилен пакет және сарайдан өсімдік тектес заты бар қап табылды.

Сараптама қорытындысына сәйкес, алынған заттар жалпы салмағы 6 келіден асатын марихуана есірткі құралы екені анықталды. Осы факті бойынша ҚР ҚК-нің 297-бабының 1-бөлігімен (Есірткі құралдарын, психотроптық заттарды, олардың аналогтарын өткізу, жөнелту немесе өткізу мақсатында заңсыз дайындау, қайта өңдеу, сатып алу, сақтау, тасымалдау) сотқа дейінгі тергеп-тексеру басталды.

Осы баптың санкциясы мүлкі тәркіленіп, 5 жылдан 10 жылға дейінгі мерзімге бас бостандығынан айыруды көздейді.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир