Ауруханада төбелес шығарған ер адамның үстінен қылмыстық іс қозғалды

«Атың шықпаса, жер өрте!» Алматы ауруханаларының бірінде мас күйдегі ер адам төбелес шығарды, деп хабарлайды Аlmaty.tv тілшісі.   

Оқиға кеше түнгі сағат 1.00 шамасында қалалық жедел жәрдем ғимаратында болды.

Масаң күйдегі азамат полиция қызметкерлеріне дөрекілік көрсеткен. Ең сорақысы, ол әкесін генерал-лейтенант, ал өзін Ұлттық қауіпсіздік комитетінің қызметкері ретінде таныстырып, кіреберіс есікті қиратқан.

Қазір 24 жастағы жігіт бұзақылық көрсеткені үшін Алмалы аудандық полиция басқармасында жауапқа тартылуда. Ал қалалық Полиция департаменті ол азаматтың Ұлттық қауіпсіздік комитетіне ешқандай қатысы жоқ екенін хабарлап отыр.