Шымкентте қоқыс жәшігінен әйелдің денесі табылды

Шымкентте қоқыс жәшіктерінің бірінен әйелдің мәйіті табылды, деп хабарлайды Almaty.tv тілшісі Otyrar.kz-ке сілтеме жасап.

Жангелдин көшесіндегі қоқыс контейнерінің жанынан өтіп бара жатқан адам полицияға хабар берген.

Мәйіт көрпеге оралып, үлкен сөмкеге салынған.

Полиция әйелдің шамамен 35 жаста екенін анықтады. Оның жанында ешбір құжат болмаған.

Әйелдің денесінде соққының іздері бар.

Қазіргі күні аталған фактіге қатысты тексеру жүргізіліп жатыр. Тиісті сараптамалар тағайындалды.