Павлодарда ер адам 13 жасар қызды тепкіге алған

Павлодарда ер адам 13 жасар қызды тепкіге алған. Оқиға сол маңдағы дүкеннің бейнебақылау камерасына түскен, деп хабарлайды Almaty.tv.

Видеода  ер адамның оқушыны құлатып, кейіннен теуіп жібергені анық көрінеді. Ал кінәлі азамат жасөспірімді басқа баламен шатастырып алғанын айтып, кешірім сұраған. Оқиғаға қатысты пікір білдірген полиция департаментінің өкілдері сот-медициналық сараптамасының қорытындысы бойынша сотқа дейінгі тергеу басталғанын мәлімдеді. Айта кетейік, айдың-күннің аманында көшенің қақ ортасында жасалған шабуылдан қыздың аяғы мен қабырғасы көгеріп, ісіп кеткен.