Таразда есірткі жасырылған 12 орын анықталды

Таразда есірткі жасырумен айналысқан 20 жастағы ер адам қолға түсті, деп хабарлайды Almaty.tv.

Жамбыл облысының тұрғыны біраз уақыттан бері ірі көлемде тыйым салынған зиянды препараттарды тасымалдап, жеткізген көрінеді. Ол 10,47 грамм психотроптық заттармен ұсталған. Оқиға болған маңнан 4,6 грамм синтетикалық есірткінің 10 бумасы табылды. Ер азаматтың үйін тінту барысында ас үй мен қоқыс жәшігінен де альфа-PVP есірткісі тәркіленген. Тергеу кезінде ер кісі барлық мән-жайды ашып, психотроптық заттарды жасырған мекенжайды көрсетті. Нәтижесінде полицейлер 12 жасырын орынды тінтіп, 5,69 грамм синтетикалық есірткіні тапқан.

Оқи отырыңыз: Атырауда 3 жастағы бала субұрқақта ойнап жүріп көз жұмды