ШҚО-да полицей әріптесін өлтірді деген күдікке ілінді

Шығыс Қазақстан облысында полиция қызметкері әріптесін өлтірді деген күдікке ілінді деп хабарлайды Almaty.tv тілшісі Halyq Uni-не сілтеме жасап.

Кеше облыста патрульдік полиция инспекторының қайтыс болу фактісі бойынша Қылмыстық кодекстің 99-бабы 1-бөлігі бойынша сотқа дейінгі тергеу басталды.

"Бүгінде тиісті сараптамалар тағайындалды. Болған оқиғаның мән-жайын анықтау үшін барлық қажет тергеу әрекеті жүргізіліп жатыр. 36 жастағы күдікті – жәбірленушінің серіктесі уақытша ұстау изоляторына қамалды", - деп жазылған ШҚО ПД таратқан хабарламада.

Оқиға орнына облыс прокуроры, Полиция департаментінің басшысы, жеке қауіпсіздік департаментінің басшысы, сондай-ақ ІІМ Әкімшілік полиция комитетінің өкілі барды.

Қылмыстық істі тергеу Ішкі істер министрлігінің ерекше бақылауына алынды.