Алматыда гашиш пен марихуана өндірген есірткі притоны жойылды

Алматы полициясы гашиш пен марихуана жасалатын есірткі притонын жойды.

Есірткі қылмысына қарсы күрес басқармасының мәліметінше, есірткі притоны Жетісу шағын ауданындағы тұрғын үйде болған, Аlmaty.tv тілшісі inform.kz-ке сілтеме жасап.

– Үй иесі мен оның қасындағылардың тұрғылықты жерін тінту кезінде полиэтилен байламдары, өсімдік тектес заты бар сіріңке қораптары, электронды таразылар табылды және тәркіленді. Ұсталғандар гашиш пен марихуананы жеке пайдалану үшін сақтағандарын айтты. Тәркіленген заттардың шығу тегі мен иесін анықтау мақсатында сот-химиялық сараптама тағайындалды. Есірткі заттарды тұтыну және заңсыз сақтау үшін орын ұйымдастыру деректері бойынша сотқа дейінгі тергеу амалдары жүргізіліп жатыр. Күдіктілер уақытша ұстау изоляторына қамалды, – деді Алматы қалалық полиция департаменті бастығының орынбасары Қуатбек Науатов.

Алматы қаласының полиция департаменті ҚР ҚК-нің 201-бабына сәйкес өзге ақпарат тергеу мүддесіне орай жария етілмейтінін хабарлады.

Оқи отырыңыз: Бюджеттік кредитті мақсатсыз пайдаланған кәсіпкерге қандай жаза қолданылады