Алматы облысында есірткі сатпақ болған күдіктілер ұсталды

Алматы облысында 17 орам есірткіні тығып кетпек болғандар ұсталды, деп хабарлайды Almaty.tv.

Құрамында мефедрон ұнтақты есірткі заты бар тауарды тасымалдағандардың 1995 жылғы азаматтар екені анықталып отыр. Олар таңғы сағат 7:00-де Алматыдан 20 орамды алып, есірткіні өткізу үшін Қаскелеңге келген.

– Тергеу барысында бұрын жасырылған жерден есірткі заттары табылып, тәркіленді. Аталған дерек ҚР ҚК 297-бабы бойынша аудандық полицияда тіркелді. Қазіргі уақытта қажетті сараптамалар тағайындалды, тергеу іс-шаралары жүргізілуде. Ұсталғандар заңнамада белгіленген тәртіппен уақытша ұстау изоляторына қамаққа алынды, – деді облыстық Полиция департаментінің ресми өкілі Ернар Сәйділдин.

Оқи отырыңыз: Банкрот тізіміне күнде 100-150 адам қосылып жатыр