|
21.01.2022 | 17:12
669

Қарағанды облысында есірткі саудасымен айналысқан ер адам ұсталды

Оның сөмкесінен 32 келіден астам гашиш салынған үш пакет анықталды

Қарағанды облысында есірткі саудасымен айналысқан ер адам ұсталды Фото: panthermedia/vostock-photo

Қарағанды облысында есірткі саудасымен айналысатын ер адам ұсталды, деп хабарлайды Almaty.tv тілшісі.

Ішкі істер министрлігі Есірткі қылмысына қарсы күрес департаменті өкілдерінің айтуынша, күдікті қылмысқа дайындалған сәттен бастап бақылауға алынған. Оның Шудан Қарағандыға дейін пойызға билет алғаны туралы хабарлама түскен бойда азаматты ұстау шаралары жүргізіліп, кеншілер астанасына жеткен кезде қолға түскен.

Тексеріс барысында оның сөмкесінен 32 келіден астам гашиш салынған үш пакет анықталды.  

«Тергеу барысында күдіктінің Жамбыл облысының 26 жастағы тұрғыны екені анықталды. Оған қатысты Қылмыстық кодекстің 296-бабы, 4-тармағына сәйкес қылмыстық іс қозғалды. Ол қазір уақытша қамауда», – деді ПД Ішкі және сыртқы коммуникация басқармасының бас маманы Жансая Жүнісова.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир