Вайнер Азимжан Саидбаевтың ұсталғаны туралы ақпаратқа интерпол түсініктеме берді

Instagram / Azim Saidbayev

Әлеуметтік желіде халықаралық іздеуде жүрген Саидбаевтың Түркияда ұсталғаны туралы ақпарат жарияланды

Қазақстанның интерполы танымал вайнер Азимжан Саидбаевтың ұсталғаны туралы ақпаратқа түсініктеме берді, деп хабарлайды Almaty.tv тілшісі Sputnik Қазақстанға сілтеме жасап.

"Шетелдік әріптестерімізден қаржы пирамидасын ұйымдастырды деген күдікпен іздеуде жүрген Азимжан Саидбаевтың ұсталғаны туралы ресми ақпарат әзірге түскен жоқ", - деп хабарлады ведомство.

Әлеуметтік желіде халықаралық іздеуде жүрген Саидбаевтың Түркияда ұсталғаны туралы ақпарат жарияланды.

Ол Mudarabah capital пирамидасын ұйымдастырды деген күдікке ілінген. Сондай-ақ Мейіржан Төребаев пен Мейірхан Шерниязов та пирамиданы құрды деп айыпталып жатыр.

Саидбаевқа 11 ақпанда іздеу жарияланған болатын. Төребаев пен Шерниязов қамауда отыр.