Шымкентте пара алған майор ұсталды

стоп-кадр

Сот оны күзетпен ұстау шарасын қабылдады

27 сәуірде қызмет бабындағы қамқорлығы үшін қарамағындағылардан 178 мың теңге көлемінде пара алғаны үшін Шымкент полиция майоры Қайрат Әлімханов ұсталды. Бұл туралы Almaty.tv Сыбайлас жемқорлық агенттіне сілтеме жасап хабарлайды.

«Күдікті өз қызметкерлерінен қамқорлығы үшін 2021 жылдың мамырынан 2022 жылдың сәуіріне дейін ай сайын пара алып отырған. Сондай-ақ Қ. Әлімхановтың заңда көзделген демалыс күндерін бергені үшін 2 мың теңге мөлшерінде пара алған. Сот күзетпен ұстау шарасын қабылдады», - делінген хабарламада.

Тергеу жалғасуда. Өзге ақпарат ҚР ҚПК 201-бабына сәйкес жария етуге жатпайды.