|
31.01.2019 | 09:05
9374

Әлімбекованың сіңлісі оқиғаның қалай болғанын айтты

Сіңлісі әнші бұл оқиғада «құрбан болып тұр, алданып қалды» деп түсіндірген

Әлімбекованың сіңлісі оқиғаның қалай болғанын айтты Nur.kz

Танымал әнші әрі сазгер Гауһар Әлімбекованың сот залынан абақтыға кісен салып жөнелтілгені көпшілікті, әсіресе өнер иесін құрметтейтін халықты есеңгіретіп тастаған, деп жазды KYN.KZ.

Қоғам белсенділері мен бұл жағдайға немқұрайлы қарай алмайтындар бірден пікірлерін білдіріп, әншінің туыстарымен хабарласа бастаған.

Әлімбекованың сіңлісі әнші бұл оқиғада «құрбан болып тұр, алданып қалды» деп түсіндірген. Бұл туралы танымал журналист өзінің әлеуметтік парақшасында жазады:

«Әншілермен телефон арқылы сөйлесіп, қазір Гауһардың сіңлісінен барлық ақпаратты білуге тырыстым.

Үкім шығып қойыпты.

Гауһардың бүкіл отбасы есеңгіреп отыр екен. Ол ешкімге ештеңе айтпаған. Сотта дәл осындай болады деп ойламаған да болуы керек. Намыстанған да шығар, кім білсін?!

Себебі, отбасы бейxабар. Бүгін жаңалықтан естіп, есеңгіреп отыр барлығы…

Өмірімде Гауһар Әлімбекованы екі-ақ рет көрдім. Екі бағдарламама келгенде де, жұртты әнімен тамсандырып, жарқырап кеткен еді. «Бибкалап» тұратын жарқын жүзі нұрға төгіліп.

Жазушы Дулат Исабеков: «Мен қатысатын бағдарламаға Гауһар мен Айгүлімді (Үлкенбаева) шақырыңдар. Біреуі гитарасымен, біреуі домбырасымен әнін айтса болды» деген еді.

Мына сұмдықты естіген Дулат аға да есеңгіреп қалған болар…

90 жылдардың аяғында ең керемет әнші — Гауһар болғанын, оның даусының керемет екенін мойындауымыз керек. Сіңлісімен сөйлесіп, жүрегім сыздап ауырып кетті», - дейді журналист.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир