Димаштың Кремльде өткен концерті алдында костюмдері жоғалып кетті

Мәскеуде өткен Димаш Құдайбергеннің концертінде түрлі тосын жағдайлар орын алған.  Бұл туралы әншінің анасы Светлана Айтбаева Instagram парақшасында  жазды.

Әншінің анасы концерт алдында сахналық костюмдердің жоғалып кеткенін айтты.

Айтуынша, концертке екі күн қалғанда костюмдер жоғалып кеткен. Қуанышқа орай, кейіннен тауып алыпты. Қазір мұны күліп еске алып отырған көрінеді.

22-23 наурыз күндері Димаш Кремльде концерт қойды. Концерт аншлагпен өтті. Әнші кешінде жанды дауыста ән шырқап, елді өзіне қаратты.