Данэлия Төлешова America’s Got Talent байқауының үшінші турына өтті

America's Got Talent шоуының қазылар алқасы "жасыл" тетікті басып, Данелия Төлешованы үшінші кезеңге автоматты түрде өткізді, деп хабарлайды  Almaty.tv тілшісі zakon.kz-ке сілтеме жасап.

Қазақстандық әнші атақты жобаның үшінші кезеңіне ән салмай-ақ өтіп кетті.

Пандемияға және жобаға қатысушылардың әлемнің түкпір-түкпіріненболуына байланысты ІІ-тур онлайн режимде өтті. Жобада Данелия мен басқа да үздік өнерпаздардың талантына шек келтірілмегендіктен, олардан ІІ-турда өнер көрсету талап етілмеді.

Қазір ол ІІІ-турға дайындалып жатыр, бірақ оның қашан болатындығы және қандай форматта өтетіндігі, әзірге әлі белгісіз.

Естеріңізге сала кетейік, мамыр айының соңында қазақстандық әнші Данелия Төлешованың America's Got Talent шоуының І-турында өнер көрсетіп, видеосы желіде жарияланды. Ол кезде көрермендер де, қазылар алқасы да жас жұлдыздың дарынына тәнті болып, зор қошемет көрсетті.