Рухымның иісі: Алматыда Жақсыбек Қалелбектің жеке ән кеші өтті

Алматыда белгілі ақын, композитор Жақсыбек Қалелбектің «Рухымның иісі» кітабының тұсаукесері және жеке ән кеші өтті, деп хабарлайды Almaty.tv.

Концертте қазақтың бетке ұстар ақындары мен жезтаңдай әншілері өнер көрсетті. Жақсыбек Қалелбек көптеген ән байқауларының жеңімпазы. Ол – қазақ сахнасында тыңдармандар құлағының құрышын қандырып жүрген танымал туындылардың авторы. Бүгінде оның әндерін Нұрлан Өнербаев, «Жігіттер» тобы орындап жүр.

«Халықтың көңілінен шықты деп ойлаймын. Қазақ деген ғажайып халықтың, өсіп келе жатқан жастарымыздың, іні-қарындастарымыздың рухы биік болсын! Әрбір жүректен рух исі аңқып тұрсын! Кештің мақасы – осы», – деді ақын, композитор Жақсыбек Қалелбек.