Алматыда Рамазан Баповтың құрметіне мемориалдық тақта ашылды

Алматыда КСРО және Қазақстанның халық әртісі Рамазан Баповтың құрметіне мемориалдық тақта ашылды, деп хабарлайды Almaty.tv тілшісі.

Мемлекеттік сыйлықтың иегері Рамазан Салықұлының еліміздегі балеттің дамуына қосқан еңбегі өлшеусіз. Мегаполистің бел ортасында орналасқан үйдің қабырғасына тағылған ескерткіш белгі – марқұмға деген зор ілтипат, дейді көзін көргендер.

«Ұлтымыздың атын шығарып жүрген, бүкіл әлемге паш еткен Рамазандай ағамызға ескерткіш тақта қою бұл бір игілікті іс. Сондықтан бүкіл театр ұжымы және Рамазан ағамызды білетіндердің бәрі қуанып жатыр», – деді Абай атындағы Қазақ мемлекеттік опера және балет театрының директоры Бақыт Бөкебаев.