ҚР Мәдениет және ақпарат министрі Аида Балаева отандық киноның бүгінгі жағдайы мен дамуына қатысты түсінік берді, деп хабарлайды Аlmaty.tv тілшісі inform.kz-ке сілтеме жасап.
- Халықаралық жарыстарға жіберілетін филмьдерді кинорежиссерлер одағы шешеді. Іріктеумен солардың комиссиясы айналысады. Мемлекет олардың жұмысына араласпайды. Дегенмен мемлекеттік органдарға сұрақ болды. Біз оны зерттедік, онда белгілі бір критерийлер бар. Баян Алагөзованың картинасы параметрлер бойынша өтпеді. Ол 2019 жылы түсірілді. Жалпы бұл өте өзекті мәселе. Бізде министрліктердің жанынан киноны қолдау орталығы бар. Орталыққа 200-ден астам кинокартина түсті, - деді Аида Балаева орталық коммуникациялар қызметі алаңында өткен баспасөз мәслихатында.
Министрдің айтуынша, бірінші кезеңде 115 кинокартина таңдалды. Осыдан үш күн бұрын шығармашылық мазмұн, идеологиялық мазмұн картинг үшін питчинг өткізілді.
- Біз бюджеттен қаржыландыратын 20 жобаны шығарамыз. Киноны дамытуға бағытталған барлық мемлекеттік қаржы режиссерлердің, сценаристердің шығармашылық көзқарасын қолдауға бағытталады. Бізге режиссураға қатысы жоқ адамдардан көп өтініш келіп түседі. Кино бүгінде қарқынды дамып келе жатқан сала. Мемлекет бұл идеология мәселесі екенін түсініп отыр, жалпы алғанда біз саланы қолдаймыз. Фильмді мемлекеттік қаржыға түсіретіндер прокаттан пайда көруі керек. Ол үшін прокаты жоғары болуы керек, көрермендердің көңілінен шығуы маңызды. 115 жұмыстың ішінен біз тек 20 кинокартинаны таңдаймыз, - деді Аида Балаева.
Оқи отырыңыз: «Белгісіз батырлар»: отандық кино саласы тарихи комедиямен толықты
