Алматыда белгілі академиктер Ақжан Машановтың 115 жылдық және Жақан Ержановтың 100 жылдығына арналған халықаралық конференция өтті, деп хабарлайды Almaty.tv тілшісі.
Қаныш Сәтбаев атындағы Қазақ ұлттық техникалық зерттеу университеті ұйымдастырған шараға АҚШ, Қытай, Германиядан және көршілес мемлекеттерден арнайы өкілдер қатысты.
Жиында заманауи геодезиялық жабдықтар мен отандық және шетелдік компаниялардың бағдарламалық өнімдерінің көрмесі өтті.
«Бұрынғы аудиторияны жаңартып, қайтадан жасап отырмыз. Бүгін соны аштық. Бұл залда Ақжан Машановтың еңбегіне арналған талай конференция өткізіп жүрміз», - деді Қ. Сәтбаев атындағы Қазақ ұлттық техникалық зерттеу университетінің профессоры Маржан Нұрпейісова.
