Дүниежүзілік жүрек күні (World Heart Day) алғаш рет 1999 жылы Жүниежүзілік жүрек федерациясының бастамасымен ұйымдастырылған. Бұл акцияны Дүниежүзілік денсаулық сақтау ұйымы (ДДСҰ), ЮНЕСКО және басқа да маңызды ұйымдар қолдады. Бастапқыда бұл Күн қыркүйек айының соңғы жексенбісінде өткізілді, ал 2011 жылдан бастап сол күн – 29 қыркүйек болып белгіленді, деп хабарлайды Almaty.tv.
Жаңа күнді енгізудің мақсаты – әлемдегі жүрек-қан тамырлары ауруларының індетінен туындаған қауіптілікті қоғамда ұғынуды арттыру, сондай-ақ халықтың барлық топтарында ишемиялық ауру мен ми инсультіне қатысты жаппай алдын алу шараларын бастау. Дүниежүзілік жүрек күні «Өмірге арналған жүрек» ұранымен өткізіледі.
Айта кетейік, Қазақстанда алғаш рет жүрек трансплантациясы 2012 жылдың 8 тамызында жасалды. Бірегей операция Ұлттық ғылыми кардиохирургия орталығында өтті.
Жүрек-қан тамырлары аурулары мен инсульттың пайда болу қаупі факторлары қан қысымын, қандағы холестерин мен глюкоза деңгейін, темекі шегуді, көкөністер мен жемістерді жеткіліксіз тұтынуды, жоғары салмақты, семіздікті және физикалық инерттілікті қамтиды.
Жүрек-қан тамырлары ауруларының дамуына әкелетін салауатты өмір салты көбінесе балалар мен жасөспірім жаста қалыптасады, ал жас кезінде жүрек-қан тамырлары ауруларының тәуекелі артады. Сондықтан профилактиканы бала кезінен бастау керек. Салауатты өмір салтынан басқа, қазіргі қоғамда аурулар мен олардың даму қаупі факторларын ерте анықтау үшін тұрақты медициналық бақылауды және күйзеліске қарсы күрес дағдыларын және агрессивті қоршаған орта және экологиялық жағдайдың нашарлауы жағдайында денсаулықты сақтау тәсілдерін қамтитын денсаулық мәдениетін дамыту қажет.
Дүниежүзілік жүрек федерациясының мәліметтері бойынша, инфаркт пен инсульттерден мерзімінен бұрын өлімнің 80%-ын салауатты өмір салтын ұстанып, темекі тұтынуды, тамақтануды және дене белсенділігін бақылап отырса, алдын алуға болады.
