Алматыда жедел жәрдем қызметкерлеріне 12 рет шабуыл жасалған

Жедел жәрдем қызметі тәртіпсіздіктерге байланысты шақырулардан басқа, шұғыл өтініштерге уақытылы қызмет көрсетті, деп хабарлайды Almaty.tv тілшісі Алматы қаласының тыныс-тіршілігін қамтамасыз етуді қалпына келтіру жөніндегі қалалық штабына сілтеме жасап.

ЖМЖС қызметкерлеріне 12 шабуыл жасалды, ЖМЖС 5 қызметкері (2 жүргізуші және 3 фельдшер) жарақат алды. Тәртіпсіздік кезінде 32 жедел жәрдем автокөлігі (фаралар сынған, шанағы, әйнегі зақымданған және т.б.), жарамсыз күйдегі 4 автокөлік, мәйітті тасымалдау және митингке жеткізу мақсатында 3 көлік тәркіленіп, кейін көліктер қайта қайтарылды.