Шығыс Қазақстан облысында екінші ауысым оқушылары мектепке бармайды

Шығыс Қазақстан облысының бірқатар ауданында екінші ауысымдағы оқушыларға мектепте сабақ болмайды, деп хабарлайды Almaty.tv тілшісі ҚазАқпаратқа сілтеме жасап.

ШҚО төтенше жағдайлар департаменті баспасөз қызметінің мәліметіне сүйенсек, 27 қаңтарда Өскемен қаласында ауа температурасы - минус 9 градус, жел жылдамдығы секундына 12 метр болғандықтан екінші ауысымдағы 1-4 сынып оқушыларына сабақ өткізілмейді. 

«Сондай-ақ Ұлан ауданындағы Қасым Қайсенов кенті мен Украинка ауылындағы 1-11 сынып оқушылары мектепке бармайды. Онда да ауа температурасы - минус 9 градус, жел жылдамдығы секундына 12 метрге жеткен», – деп хабарлады ведомство өкілдері.