«Жайлы мектеп» ұлттық жобасы аясында Алмалы ауданында Райымбек даңғылы мен Әуезов көшесінің қиылысында 1,5 мың орындық жаңа мектеп салынады, деп хабарлайды Аlmaty.tv.
Ол Мемлекет басшысының тапсырмасы бойынша салынады, деп хабарлады аудан әкімі Айдар Жақыбаев Алматы қаласының өңірлік коммуникациялар қызметінің алаңында.
Құрылыс-монтаж жұмыстары 2024 жылдың 4 тоқсанында аяқталады.
Сондай-ақ оның айтуынша аудан әкімдігі 300 орындық №16 мектепке қосымша құрылыс салуға және № 58 мектепке спорт және акт залдарын салуға жобалық-сметалық құжаттама әзірлеуде, оның сараптамасы 2023 жылдың 4 тоқсанында өтеді. Құрылыс-монтаж жұмысы 2024 жылы сәуірде басталуы тиіс.
2024 жылдың 1 тоқсанында Жароков көшесіндегі №134 және №135 мектеп ғимаратына күрделі жөндеумен сейсмикалық күшейту бойынша мемлекеттік сараптама қорытындысы дайындалады деп күтілуде. Құрылыс-монтаж жұмыстары басталуының болжамды мерзімі-2024 жылдың мамыр айында.
- 2023 жылы №15 гимназияны күрделі жөндеу аяқталды және қараша айында №136 мектеп-гимназияны күрделі жөндеумен сейсмикалық күшейту бойынша құрылыс-монтаж жұмыстары басталды. Жұмыстар 2024 жылдың тамызында аяқталады. Жалпы Алмалы ауданында балаларды орта біліммен қамту бойынша қолайлы жағдай бар. Ауданда ең төменгі көрсеткіш қала бойынша оқушы орындарының тапшылығы, жалпы контингенті 38 мың оқушы, 1137 оқу орны жетіспейді. Сондай-ақ кәсіптік бағдар беретін мектептер бар. Жаңа тұрғын үйлердің пайда болуын және халықтың өсуін ескере отырып, тапшылықты одан әрі азайту үшін мектептер мен қосымша ғимараттар салу бойынша жоспарлы жұмыс іске асырылуда, - деді Айдар Жақыбаев.
Оқи отырыңыз: Алматыда сыбайлас жемқорлыққа қарсы күрес: қалалық комиссияның отырысы өтті
