Азаматтық авиация академиясы ұшқыштарды емтиханнан өткізді

Азаматтық авиация академиясы ұшқыштарды емтиханнан өткізді, деп хабарлайды Almaty.tv.

Бұл болашақ әуе көлігін басқаратын қыздардың шешуші емтиханы. Ең қызығы, сынақ уақыты Халықаралық әйелдер күні мерекесімен тұспа-тұс келген. Осыған орай, авиация саласының мамандары барша әйелдер қауымына ізгі тілегін арнады.

«Барлық нәзік жандыларды 8 наурыз мерекесімен құттықтаймын. Бұл күнді бала күннен атап келеміз. Шаттық сыйлайтын мейрамды негіз етіп аяулы аналарымызға, әпке-қарындастарымызға, жан-жарыма ізгі тілектерімді жолдаймын», – деді Азаматтық авиация академиясы «Әуе көлігін ұшуда пайдалану» кафедрасының меңгерушісі Ербол Оспанов.

«Құрметті қыз-келіншектер, аналар, сіздерді келе жатқан 8 наурыз халықаралық әйелдер күнімен шын жүректен құттықтаймын. Сіздер біздің өміріміздің нұрысыздар. Сіздер күлсеңіздер, біздің әлем күледі. Сіздерге зор денсаулық, қажымас қайрат тілеймін. Дендеріңіз сау болсын, ұзақ жасаңыздар», – деді болашақ ұшқыш Ләззат Дәулетбекқызы.