Сабақты онлайн өткізуді тоқтату керек деген шешімге келдік – министр

ҚР Білім және ғылым министрлігі сабақты онлайн өткізуді тоқтату керек деген шешімге келді, деп хабарлайды Almaty.tv.

Бұл туралы Орталық коммуникациялар қызметінің алаңында өткен мектеп оқушыларының ІV тоқсанда қашықтан оқу жүйесіне арналған онлайн конференцияда айтылды.

«Ұстаздармен бірнеше онлайн кездесу өткіздім. Сонда қашықтан оқыту туралы ұсыныстар түсіп жатыр. Біз ол ұсыныстармен келісіп, сабақты онлайн өткізуді тоқтату керек деген шешімге келдік. Мен айтқан платформалармен жұмыс істеудің бірнеше тиімді жағы бар. Бұл жүйе бойынша әртүрлі сұрақтар туындайтын болады», – дейді ҚР Білім және ғылым министрі Асхат Аймағамбетов.