Үш ауысымды білім беретін мектептердің мәселесі қашан шешіледі

Биыл үш ауысымды білім беретін 92 мектеп мәселесі шешіледі. Бұл туралы Оқу-ағарту министрі Ғани Бейсембаев айтты, деп хабарлайды Almaty.tv.

- Елімізде 8 мың мектептің ішінде 106 мектеп үш ауысымда жұмыс істейді. «Жайлы мектеп» және басқа да жаңа мектептер құрылысы арқылы биыл 92 мектеп мәселесін шешуді жоспарлап отырмыз. Былтыр дәл осындай 29 мектептің мәселесін шештік, келесі жылы үш ауысымды мектеп мәселесін түбегейлі шешуді көздеп отырмыз, - деді Оқу-ағарту министрі елордада өткен дәстүрлі Тамыз саммитінде.

Сонымен бірге министр бүгінде 2900-дан астам мектеп бір ауысымда жұмыс істейтінін атап өтті.

Оқи отырыңыз: Алматыда 9 қабатты жатақхананың құрылысы басталды

Дереккөз: ҚазАқпарат