Көкшетаудың іргесінде жел электр станциясы іске қосылды, деп хабарлайды Almaty.tv тілшісі BAQ.KZ-ке сілтеме жасап.
Нысанда әзірге 5 қондырғы бар. Ақмола облысы әкімдігінің баспасөз қызметінен хабарлағандай, қондырғылардың әрқайсысы сағатына 750 киловатт қуат өндіреді. Бұл – шамамен 1 жарым мың жеке үйге жетерліктей энергия. Алдағы уақытта тағы 7 қондырғы қойылады. Кейін де олардың саны көбейтіліп, станция жанынан электр қуатын тарататын кешен тұрғызылады.
Жалпы, бұл нысан аймақтағы үшінші жел электр станциясы. Қазір облыста баламалы қуат көзінің үлесі 20 процентке жақындады. Сала мамандарының айтуынша, 2023 жылға қарай өңірде тағы 6 жел электр станциясы іске қосылып, көрсеткіш 45 процентке жеткізіледі.
«Ірі-ірісі, ең бірінші Ерейментау "Вин-поуер", содан кейін "Сатек-Аршалы" тағы да екінші бөлімін қосылады. Содан кейін "Кавейтер прозес" деген Целиноград ауданында тағы бір станция қосылуға тиісті», – деді облыстық энергетика және ТҮКШ басқармасы басшысының орынбасары Тимур Хамзин.
