|
09.12.2022 | 09:43
4401

Қарағандыда шұжықтың ішінен тіс табылды

Шұжықтағы тістің ненікі екенін анықталады

Қарағандыда шұжықтың ішінен тіс табылды ашық дереккөзден

Қарағандылық әйел сатып алған шұжықтың ішінен тіс тауып алған, деп хабарлайды Almaty.tv тілшісі Tengrinews.kz-ке сілтеме жасап.

"Бір күн бұрын сатып алған шұжықпен таңғы асқа бутерброд жасайын деп ойладым. Бутербродты жеп жатқанда, арасында біртүрлі үшкір зат барын байқадым. Кейін егеуқұйрықтың тісі екенін білдік. Оның көлемі адамның тісінен екі есе үлкен, сіріңке қорабының жартысындай. Жұтып қойсам не болатын еді? Кішкентай немерелеріме бермегеніме қуанып отырмын. Бұл менің сүйікті компаниямның өнімі еді. Осыған дейін барлық шұжық өнімдерін осылардан алатынмын", - деп жазды әйел.

Қарағандылықтың айтуынша, мұндай жағдай бірінші рет болып отырған жоқ.

"Жақында мен 45-кварталдағы дүкеннен торт сатып алдым. Сол торттың кілегейінен ұзындығы үш сантиметрге жуық сым тауып алдым. Мен бәрін мұқият шайнау керек екеніне тағы бір рет көз жеткіздім. Енді мен шұжықтағы тістің ненікі екенін анықтайтын санитарлық қызметке барамын", - деп жазды пост авторы.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир