|
15.03.2019 | 09:44
1820

«Қалай болғанын білмеймін»: алматылық жігіт 3 млн теңгесін құмар ойынға тігіп ұтылып қалды

Әу баста ойыншы лотереяға 50 мың теңге тіккен, кейін 100 мыңға көшіпті, ақыр соңында бар ақшасын ұтқызып жіберген

«Қалай болғанын білмеймін»: алматылық жігіт 3 млн теңгесін құмар ойынға тігіп ұтылып қалды sputniknews.kz

Алматы тұрғыны көлік алмақшы болған 3 миллион теңгесін Астанада лотоға салып жіберді. Енді оның кері қайтуға да ақшасы қалмапты. Амалы таусылған 33 жастағы жігіт astanatv.kz хабарласып, журналистерден көмек сұраған.

Ол «лото-клуб тым құрығанда міндетті деген 10 пайыз өтемақыны төлесін» деп отыр. Әу баста ойыншы лотереяға 50 мың тіккен. Кейін 100 мыңға көшіпті. Ақыры ұтыс шықпай, бар соманы бір-ақ тігеді.

«Қалай бүкіл ақшамды ұтылып қалғанымды білмеймін. Көлік аламын деген қаражат болатын. Олар маған тиісті 10 пайыз өтемақыны қайтаруын талап еттім. Нәтиже жоқ. Тек әкімші келіп өз ережесін айтып, қайта кетіп қалады», - дейді Нұрдүн Қожамбердиев.

Клуб әкімшілігі ұтылған соманың 10 пайызы қайтарылу керегін жоққа шығармайды. Бірақ, бұл ереже тек «казиноларда» жүреді екен.

«Бүкіл ереже кіреберісте жазылып тұр. Ойынға құнықпауға шақыратын ескертулер де ілінген. Бізде өтемақы деген атымен жоқ. Ол бізден ұтылған ақшасының 10 пайызын неге сұрап жатқанын мүлде түсінбеймін. Ойнаған өзі. Бұл оның өз таңдауы болды», - дейді лото-клубтың әкімшісі Гауһар Әбдірахманова.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир