«Әкем палауды өзі дайындайды»: Желіде Өзбекстан Президентінің ас әзірлеп тұрған суреті пайда болды

Өзбекстан Президентінің қызы Саида Мирзиеева Facebook желісіндегі парақшасында әкесінің ас әзірлеп жатқан суретін жариялады.  

Қызының айтуынша, әкесі кейде отбасы үшін асты өзі дайындайтын көрінеді.

«Кейде әкем біздің отбасылық дастархан үшін палауды өзі әзірлейді. Ал біз оған көмектесеміз. Арафа күнімен құттықтаймын!» - деп жазған Мирзиеева.

Шавкат Мирзиеевтің екі қызы, бір ұлы, сонымен қатар 5 немересі бар.

Саида Мирзиеева – Өзбекстан президентінің үлкен қызы. Ол биылғы жылдың сәуір айында Өзбекстан президентінің әкімшілігінің жанындағы Ақпарат және бұқаралық коммуникация агенттігінің басшысының орынбасары қызметіне келген.