Алматы облысында мал ұрлап жүрген барымташы ұсталды

7-su.kz

Ол осыған дейін қылмыстық жауапкершілікке тартылмаған

Алматы облысында былтырдан бері мал ұрлап жүрген барымташы қолға түсті, деп хабарлайды облыстық Полиция департаментінің баспасөз қызметі.

Барымташы Талдықорған маңында ұсталды.

«Он дерекке қатысты бар делінген Қаратал ауданының 24 жастағы тұрғыны ұсталды. Барлық ұрлау дерегі Ескелді ауданында тіркелген. Онда өткен жылдың күзінен бастап жергілікті тұрғындардың малы ұрланып келген», - делінген хабарламада.

Сондай-ақ, құқық қорғау органдарының мәліметінше, ұсталған барымташы бұған дейін 10 рет ұрлық жасағаны дәлелденді. Бірақ ол осыған дейін қылмыстық жауапкершілікке тартылмаған. Қазіргі уақытта тергеу жұмыстары жүріп жатыр.