Астанада бір түнде 50 мың текше метр қар шығарылды

Астанада бір түнде 3,5 мыңға жуық жүк көлігі рейсіне тең қар шығарылды, деп хабарлайды Аlmaty.tv тілшісі inform.kz-ке сілтеме жасап. 

1 600-ден астам арнайы техника мен 2 500-ге жуық жол жұмысшы күндізгі ауысымда көшелерді қардан тазартуға шықты. Қардың қалың жауғанына байланысты тазарту жұмысы тәулік бойы жүргізіліп жатыр. 

9 қаңтардан 10 қаңтарға қараған түні шамамен 50 мың текше метр қар шығарылды, бұл - 3 444 жүк рейсіне тең.

Қыс мезгілінің басынан бастап елордада 1 654 224 текше метр қар шығарылды, бұл - 121 мыңнан астам ауыр жүк рейсі.

Қар арнайы полигондарға шығарылады. Елордада бірнеше жабдықталған қар полигоны жұмыс істейді. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.

Оқи отырыңыз: Қазақстанның екі облысында ауа райына байланысты жол жабылды