|
13.08.2019 | 10:54
2000

Шымкентте көпбалалы ата-ана ұйқыдан оянып, 5 жасар ұлының жоғалғанын білген

Полиция қызметкері үйден "қашқан" бес жасар баланы отбасына қайтарды

Шымкентте көпбалалы ата-ана ұйқыдан оянып, 5 жасар ұлының жоғалғанын білген  фото из открытых источников

Шымкентте тәртіп сақшылары жоғалған бес жасар баланы табуға көмектесті, деп хабарлады қалалық Полиция департаментінің баспасөз қызметі.

Оқиға өткен жұмада, 10 тамыз күні Абай ауданының Игілік елді мекенінде болған.

Алты баланы тәрбиелеп отырған ата-ана таңертең ұйқыдан оянып, бес жасар ұлының жоғалғанын біледі. Алдымен оны өздері іздеген, тек сағат 15.00-де полицияға хабарласқан.  

Полицейлер көшелерді аралап, көршілерден сұрастырып, баланы төрт сағаттан астам уақыт бойы іздеген.

Ақырында елдімекеннің учаскелік инспекторы Мұзафар Әбдірахманов ауыл көшелерінің бірінен кішкентай қашқынды тауып алады.

Полицейлер ата-анамен профилактикалық әңгіме өткізді. Ал олар құқық қорғау органдарының қызметкерлеріне жеделдігі мен кәсібилігі үшін алғысын білдірді.  



Дереккөзі: Sputnik.



Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир