Елімізде Қазақстан, Егемен және Тәуелсіздік есімді қанша адам тұрады

Елде Қазақстан, Егемен және Тәуелсіздік есімді қанша азамат тұратыны белгілі болды, деп хабарлайды Almaty.tv тілшісі Sputnik Қазақстанға сілтеме жасап.

"Елімізде Қазақстан есімді 35, Егемен атты 6, Тәуелсіздік есімді 1 азаматымыз бар", – деп мәлімдеді Ұлттық статистика бюросының баспасөз қызметіндегілер.

Бұған дейін осы жылдың қарашасында Қазақстанда Қазақстан есімді 24 азамат тұратыны хабарланған еді. Олардың дені Ақмола облысы, Нұр-Сұлтан қаласы мен Қарағанды облысында. Сондай-ақ баласының атын елдің ірі қалаларының құрметіне қойғандар да бар. Мәселен, 28 адамға Семей деп ат қойылса, 21 – Алматы, 18 – Түркістан есімді азамат тұрып жатыр.