Алматы-Өскемен тасжолында көлік апатынан екі адам қайтыс болды

Алматы-Өскемен тасжолында жол-көлік апаты тіркелді. Жеңіл автокөлік пен FOTON жүк көлігі соғысқан, деп хабарлайды Almaty.tv тілшісі Azattyq Rýhy агенттігіне сілтеме жасап.

Қайғылы оқиға 18 шілдеде Жетісу облысы Алматы-Өскемен тас жолында Сарқант маңында болған. Жол-көлік оқиғасын куәгерлер видеоға түсірді.

FOTON ауыр жүк көлігі мен MAZDA 626 жеңіл автокөлігі соғысқан. Жеңіл көліктің жүргізушісі мен жолаушысы оқиға орнында қаза тапты. Көлік қаңылтырға айналған.

«Сот сараптамалары тағайындалды. Жүк көлігі арнайы автотұраққа қойылды. Полиция жол қозғалысының барлық қатысушысын жол қозғалысы ережелерін қатаң сақтауға және жолдарда өте мұқият болуға шақырады», - делінген Жетісу облыстық полиция департаментінің хабарламасында.

Оқи отырыңыз: Сел салдары: Жамбыл облысында 200-ден астам үй көгілдір отынсыз отыр