Таразда бөтеннің ақшасын өзіне аударып алған алматылық азамат ұсталды

Таразда «Hi-tech» жедел-алдын алу іс-шарасы барысында бөтеннің ақшасын өз шотына аударып алған алматылық азамат ұсталды, деп хабарлайды Аlmaty.tv тілшісі Жамбыл облысы Полиция департаментінің баспасөз қызметіне сілтеме жасап.

Ол Тараз қаласындағы көлік жуу қызметін пайдалану барысында бөтен адамның ұялы телефонын алып, «мобильдік банкинг» қосымшасы арқылы жасырын түрде телефон иесінің 41 000 теңгесін өз шотына аударған.

«Аталған дерек бойынша Қылмыстық кодекстің 188-бабының 2-бөлігі 4-тармағымен сотқа дейінгі тергеу амалдары жүргізілуде. Қазіргі таңда ұсталған азаматтың осыған ұқсас басқа да қылмыстарға қатыстылығы тексерілуде»,  – дейді облыстық полиция департаментінің баспасөз қызметінің жетекшісі Гүлсара Мұхтарқұлова.