Астанада 10-сынып оқушысы жоғалып кетті

Астанада 5 күн бұрын жоғалып кеткен 10-сынып оқушысы Болат Қожамжар әлі табылмады, деп жазды sn.kz.

16 жастағы Болатты 8 ақпан күні сағат 20:00 шамасында «Еуразия» сауда орталығының маңындағы «Versus» компьютер клубынан көрген.

Болат үстіне қанық көк түсті куртка, қанық көк түсті джинсы және басына күлгін түсті бас киім киген. Бойы - 174 см.

Астана қалалық Полиция департаменті іздестіру жұмыстарын жүргізіп жатыр.

Оқушыны көрген білгендер болса 102 немесе 8 705 550 84 25 телефон нөмірлеріне хабарласуларына болады.