Алматыда ауылшаруашылық жәрмеңкесі өтеді

Алматылықтар жәрмеңкеден 47 тонна ет, 14 тонна сүт, 86 тонна жеміс-көкөніс және 4 тонна балық сатып ала алады

Алматыда Астана алаңында осы сенбі, 5 қазан күні ауылшаруашылық жәрмеңкесі өтеді. Онда Алматы облысының кәсіпкерлері 50-ден астам түрлі өнімдерді арзан бағамен сатады, деп хабарлайды Almaty.tv тілшісі.

17 аудан мен 3 қаланың тауар өндірушілерінің кеңейтілген жәрмеңкесінде алматылықтар 47 тонна ет, 14 тонна сүт, 86 тонна жеміс-көкөніс және 4 тонна балық өнімдері сатып ала алады. Өнімдер нарықтағы бағадан 15-20 пайызға арзан саудаланбақ.

Айта кетерлігі, жәрмеңкеде жалпы сомасы 111 миллион теңгеден асатын 180 тонна ауыл шаруашылық өнімі ұсынылады.