Биыл көпбалалы отбасыларға берілетін жәрдемақы көбейді. Оның мөлшері бала туған кезде берілетін жәрдемақылар Әлеуметтік кодекстің 80-бабында айқындалады және ол айлық есептік көрсеткіштермен (АЕК) белгіленеді, деп хабарлайды Аlmaty.tv тілшісі zakon.kz-ке сілтеме жасап.
"2024–2026 жылдарға арналған республикалық бюджет туралы" заңға сәйкес 1 АЕК 3 мың 692 теңге болып белгіленген. Алғашқы 3 баласын дүниеге әкелгендерге 38 АЕК – яғни 140 296 теңге жәрдемақы тағайындалды. 4-ші және одан да көп бала туғандарға 63 АЕК көлемінде бірретік жәрдемақы төленеді. Сонымен қатар егер егіз немесе үшем туған болса, жәрдемақы баланың әрқайсына жеке тағайындалады.
Бұл – бір реттік жәрдемақы мөлшері. Көпбалалы отбасыларға ай сайынғы жәрдемақы да көбейген.
Әлеуметтік кодекстің 91-бабына сай, оның мөлшері мынадай: 4 балаға шамамен 59183 теңге, ал 5 балаға шамамен 74 мың, егер отбасында 8 немесе одан да көп болса, әр балаға 4 айлық есептік көрсеткіш көлемінде төленеді.
Егер отбасында 8 және одан да көп бала болса, әр балаға 4 АЕК, яғни 8 балаға - 32 АЕК (118 144 теңге).
Оқи отырыңыз: Алматыда 400 жетім бала баспанамен қамтылады
