Жағдай тұрақты, қауіп жоқ: сейсмолог Алматыдағы жер сілкінісі туралы айтты

Сейсмологиялық бақылаулар және зерттеулер ұлттық ғылыми орталығының басшысы Дәулет Сәрсенбаев Алматыдағы жағдайдың тұрақты екенін айтты, деп хабарлайды Аlmaty.tv тілшісі Zakon.kz-ке сілтеме жасап.

Бұл туралы ол қаладағы сейсмикалық жағдайға арналған шұғыл баспасөз мәслихатында мәлімдеді.

- Жағдай тұрақты. Бүгінде қауіп төніп тұрған жоқ. Барлық сейсмикалық станса, барлық бақылау пункті штаттық режимде жұмыс істеп тұр. Мониторинг бақылау түрлері бойынша жүргізіледі - гидрохимия, гидрология, GPS бақылаулары. Ешқандай ауытқулар тіркелген жоқ, - деді Дәулет Сәрсенбаев.

Бұған дейін алматылықтар жер сілкінісін тағы да сезінгені хабарланған еді. 

Оқи отырыңыз: Алматыда жер сілкінісі тағы қайталанды