Қызылордалық Ерлан есімді жігіт сүйгенін алып қашпақ болады. Алғашында келісімін берген бойжеткен ойынан айнып, дәл сол күні үйінен шықпай қойған. Туыстары ас та төк тойға дайындалып, қонақтарды шақырып қойған жігіт сүйіктісінің құрбысын алып қашқан, деп хабарлайды NUR.KZ.
Ерлан әпкесі мен жездесін ертіп, сүйіктісін алып қашу үшін көрші ауылға барады. Алайда, бойжеткен үйінен шықпай қойып, жігіт пен туғандарының қуаныштары су сепкендей басылыпты.
Сол жерде шешім қабылдаған жігіт ғашығын шығарып бермек болған құрбысының өзін алып қашқан.
«Ауылға келін түсірді» деп туғандар мәз. Алыс -жақын ағайынның барлығы «Ерлан үйленді» деп жиналған. Ақ жаулықты аналар жағы келіннің маңдайынан сүйіп, қуанып жүр», - дейді Ерлан.
Жігіттің туыстары Ерланды өз сүйгенін алып келді деп ойлаған.
«Кішкене шыдауға тура келді. Барлығы уақыт өте келе орнына түсті. Апам мен жездем жағдайды түсіндірді. Бастысы, жүріп жүрген қызымның құрбысы маған жар болуға көнді», - дейді Ерлан.
Айта кетейік, бүгінде Ерлан мен ойда-жоқта келін болған арудың үш баласы бар. Алды мектеп бітіріп, жоғары оқу орнына түскен.
