Ақкенттегі өрт: Алматыдағы құтқарушылар Қазақстан Президентінің атынан марапатталды

Алматы әкімі Ерболат Досаев Мемлекет басшысы Қасым-Жомарт Тоқаевтың атынан Алматыдағы «Ақкент» шағынауданындағы өрт кезінде адамдарды құтқарған азаматтарға мемлекеттік награданы табыс етті, деп хабарлайды Almaty.tv.

Атап айтқанда, төтенше жағдайда көрсеткен ерлігі мен жанқиярлығы үшін Мемлекет басшысының Жарлығымен «Ерлігі үшін» медалімен «Expo Masters» ЖШС менеджері Тілеужан Ахметханов, «Спарк Электромеханик» ЖШС электригі Гюнай Шюкрю, «Спарк Электромеханик» ЖШС электромеханигі Эльдар Исмаилов, «Gask Construction» ЖШС автокран операторы Йерделен Халил, «Спарк Электромеханик» ЖШС электромеханигі Кенан Мамедов, сонымен қатар, «Frank-Asia» ЖК автокранының операторы Вадим Романов марапатталды.

Ол егер қауіп-қатерге қарамастан, адамдарды құтқару үшін өз өмірлерін қатерге тігкен азаматтарымыздың батылдығы болмаса, өрттің салдары одан да ауыр болуы мүмкін екенін атап өтті.

«Бұл қайғылы оқиға халқымыздың басқалар үшін қаншалықты жанашыр және тәуекелге баруға дайын екенін көрсетті. Мен сол бір табиғи апат күні айналып өтпеген, өрт сөндірушілерге көмектесуге асыққан барлық жанға алғысымды білдіремін. Дәл осындай адам - жауапты азамат, «Адал азамат» туралы Мемлекет басшысы жақында өткен құрылтайда айтты. Бәріміз мұндай қамқор адам болуға тырысамыз», - деді Ерболат Досаев.

Сонымен бірге қала әкімі өртті кәсіби әрі жедел түрде ауыздықтаған өрт сөндірушілерге алғысын білдірді. 

Еске салсақ, ай басында Алматының "Ақкент" шағынауданында 16 қабатты үйлердің бірінен өрт шыққан еді. Құтқарушылар жеткенше тұрғындар балаларын терезеден лақтырып, өздері де секірген. Бүгін «Ерлігі үшін» төсбелгісін алғандар сол кезде іштен шығып үлгермегендерді қауіпсіз жерге шығаруға атсалысқан болатын.

– Президентіміздің тапсырмасымен медаль алып жатырмыз. Көп алғыс білдіреміз. Адам өмірінің қауіпсіздігі және көршіміздің амандығы маңызды, – деді  қала тұрғыны Тілеужан Ахметхан.

Оқи отырыңыз: Әлеуметтік тұрғын үй алу шарты қалай өзгерді