«Стоп-Трафик» операциясы кезінде Өзбекстанның 11 азаматшасы арнайы қабылдау мекемесіне орналастырылды. Сондай-ақ, оларға ҚР заңнамасын бұзғаны үшін облыс аумағынан шығарылады, деп хабарлайды Маңғыстау облысы Полиция департаменті баспасөз қызметі.
«Стоп-Трафик» жедел-алдын алу шарасы 28-30 мамыр аралығында өткізілді. Осы күндер аралығында полицейлер қаладағы барлық монша кешендері мен жалдамалы пәтерлерді тексерді. Операция барысында ҚР Қылмыстық кодексінің 309-бабы («Жезөкшелікпен айналысу үшін притондар ұйымдастыру немесе ұстау және жеңгетайлық») бойынша екі қылмыстық іс қозғалды. Сонымен қатар, ҚР ӘҚБтК 449-бабы («Қоғамдық орындарда тиісу») бойынша Әкімшілік құқық бұзушылықтар анықталды. 32 жезөкше мен екі жеңгетай есепке алынды.
Айта кетейік, 2015 жылы Қазақстанның Әкімшілік кодексінде қоғамдық орындарда ұстау үшін жауапкершілік белгіленген. Бұл норма өз қызметтерін ұсынып отырған жезөкшелерге де, олардан қандай да бір "тауар" сатып алған адамдарға да қатысты да қолданылады.
