«Almaty Birgemiz Challenge»: Тұрғындар дәрігерлерге қошемет көрсетті

Бүгінде коронавируспен күресте алдыңғы шепте жүрген қызметкерлерге қандай құрмет көрсетілсе де аз емес. Себебі олар күн мен түнге қарамай өз істеріне адал қызмет етіп келеді, деп хабарлайды Almaty.tv.

Әлем елдерінде оларға құрмет көрсету мақсатында қол шапалақтау челленджі бастау алған болатын. «Almaty Birgemiz Challenge» Қазақстанда да жалғасын тапты. Акция аясында қала тұрғындары өздерінің балкондарына шығып, бір минут қол шапалақтады.

Қошемет көрсету акциясын күн сайын кешкі сағат 20.00-де өткізу ұсынылды. Оған кез келген қала тұрғыны қатыса алады. Яғни, сіз де дәрігерлерге алғысыңызды күнде кешке қол шапалақтау арқылы білдірсеңіз болады.